Британското Министерство за одбрана денеска предупреди дека украинските и руските борбени единици „посветени на интензивна борба во Донбас“ веројатно страдаат од „разнишан морал“, повикувајќи се на информации од британските разузнавачки служби.
Украинските и западните разузнавачи со месеци укажуваат на знаци на разнишан морал, па дури и распаднат меѓу руските војници од почетокот на инвазијата на 24 февруари.
Но, британското соопштение преку Твитер е меѓу најсилните индикации досега за проблемите со моралот меѓу Украинците, кои мобилизираа војници и цивили во одбраната за да им се спротивстават на Русите.
„Украинските сили најверојатно претрпеа дезертирање во последните недели“, соопшти Министерството за одбрана во последното известување за Украина.
„Многу е веројатно дека моралот кај Русите останува особено проблематичен. Случаите на цели руски единици кои одбиваат наредби и вооружени судири меѓу офицерите и нивните војници продолжуваат “, додадоа оттаму.
Тешко е да се дојде до веродостојни проценки за жртви од која било страна.
Украинската страна сугерира дека се убиени повеќе од 30.000 руски војници, иако западните разузнавачи сугерираат дека бројот е значително помал.
- НАТО предупредува дека борбите во Украина може да траат „со години“, додека Русија напаѓа на истокот
Украинската страна не соопшти колку нејзини војници или други бранители загинале, иако украинскиот претседател Володимир Зеленски неодамна посочи дека секој ден се убиваат по околу 100 украински војници.
Последните информации на британското разузнавање покажале дека има „мали промени во линијата на фронтот“ во последните денови во т.н.во таканаречениот „џеб на Северодоњецк“ каде руските сили се надеваат дека ќе ги опколат бранителите на Украина.
Повеќе од 10.000 Украинци загинаа откако руските сили го нападнаа и анектираат Крим од Украина, а сепаратистите поддржани од Русија почнаа да се борат во 2014 година.
Но, започнувањето на инвазијата од големи размери на Владимир Путин пред речиси четири месеци уби уште илјадници Украинци и расели милиони други, многу од нив во странство.