Киев предупредува дека Русите повторно се доближуваат до Харкив

Советник на министерот за внатрешни работи на Украина денеска предупреди дека расте ризикот за вториот по големина град во Украина, Харкив, додека руските трупи се обидуваат повторно да го направат град на првата линија на фронтот.

Вадим Денисенко за украинската национална телевизија изјави дека непријателските сили се обидуваат да се доближат до Харкив, во североисточна Украина, за да се обидат да го гранатираат.

„Русија се обидува да го направи Харкив град на фронтот“, рече Денисенко.

• Село Негорци стана привремен дом за семејство од Харкив

Харкив е град кој главно зборува руски со околу 1,4 милиони жители пред големата руска инвазија која започна на 24 февруари. Се наоѓа на околу 30 километри од руската граница.

Бранителите на Харкив минатиот месец се чинеше дека ги потиснаа руските сили од операцијата за опкружување околу градот. Минатата недела, извештаите сугерираа дека руските сили распоредиле артилерија за да спречат украинска контраофанзива во близина на Харкив.

• АИ ја обвини Русија за воени злосторства во Украина

Амнести интернешенел минатата недела обвини дека руските трупи воделе „немилосрдна кампања на неселективно бомбардирање против Харков“ на почетокот на речиси четиримесечната инвазија. Наведуваат дека тие „речиси секојдневно гранатирале станбени населби, убивајќи стотици цивили и предизвикувајќи големо уништување“.

Амнести додаде дека „многу од нападите биле извршени со употреба на широко забранета касетна муниција