Гаспром- Испораките на руски гас во Европа и Украина намалени на 41,4 милиони кубни метри
Илустративна фотографија
Рускиот енергетски гигант Гаспром, контролиран од државата, соопшти дека снабдувањето со гас во Европа преку Украина преку влезната точка Суџа се намалило на 41,4 милиони кубни метри на 18 јуни од 41,9 милиони кубни метри претходниот ден.
Снабдување со гас преку друга голема влезна точка, Сокрановка, беше одбиена од Украина, изјави за новинарите портпаролот на Гаспром, Сергеј Купријанов.
„Гаспром“ на 15 јуни пред да ја прекине испораката на природен гас за Германија соопшти дека германски „Сименс“ ја одложил работата за поправка на компресорските единици на станицата на гасоводот „Северен тек 1“. Берлин го критикуваше потегот како „политички“ и изговор за сеење несигурност и раст на цените.
Италијанскиот енергетски гигант Ени, исто така, пријави проблеми, велејќи дека на 16 јуни ќе добие само 65 отсто од побараниот гас од Гаспром.
Недостатокот на гас се совпадна со посетата на Украина на лидерите на Франција, Германија, Италија и Романија. Лидерите се состанаа со украинскиот претседател Володимир Зеленски во Киев и потоа го поддржаа „непосредниот“ кандидатски статус за ЕУ за Украина.
