Германската влада, по десет години, повторно одобри распоредување на свои војници во воената мисија на Европската унија во Босна и Херцеговина, ЕУФОР Алтеа. Распоредувањето до 50 војници, треба да биде одобрено од парламентот. Портпаролот на Министерството за одбрана Дејвид Хелмоблд рече дека војниците ќе бидат распоредени во базата во Сараево и во два мобилни тима за набљудување и врски кои ќе дејствуваат како „очи и уши“ на мисијата.
ЕУФОР: Франција ќе врши обука на воени летови над БиХ
Германија последен пат одобри испраќање војници во мисијата позната како операција Алтеа пред околу десет години. ЕУ и САД изразија загриженост за можното распаѓање на етнички поделената балканска земја доколку се распадне Дејтонскиот мировен договор, склучен пред повеќе од 25 години. Операцијата ЕУФОР Алтеа е активна од 2004 година и е наследник на мировната мисија на НАТО во таа земја. Се состои од војници од повеќе од 20 земји, а последен пат беа вклучени германски војници во 2012 година.