Претседателот на Европскиот совет Шарл Мишел кој денеска се сретна со претседателот Мило Ѓукановиќ во Подгорица, рече дека ова е важен момент за европската иднина на Западен Балкан и оти регионот е стратешки приоритет на ЕУ, сега повеќе од кога било.
„ЕУ беше обединета во воведувањето санкции кон Русија, а притисокот го обезбедува континуитетот на шест пакети санкции“, рече Мишел на заедничката прес-конференција со Ѓукановиќ, велејќи дека Западен Балкан е стратешки приоритет за ЕУ повеќе од кога било.
„Црна Гора е мошне постојан партнер за ЕУ повеќе од една деценија и вашата земја има рекорд од стопроцентно усогласување со политиката на ЕУ“, рече Мишел.
- Мишел неделава во Подгорица, Скопје и Приштина
- Шолц: Приклучувањето на Западен Балкан во ЕУ е приоритет за германската влада
Европскиот функционер додаде дека за време на нивната средба разговарале за предлогот на „европската политичка заедница“.
„Појаснивме дека целта не е да го замениме процесот на европска интеграција на државата, туку директната политичка интеграција е можност да се сретнеме на ниво на лидери со цел да се промовира заедничкото политичко разбирање и заедничкиот напредок во интеграцијата во ЕУ“, рече Мишел
На почетокот на мај, францускиот претседател Емануел Макрон рече дека е за „политичка европска заедница“ која ќе им овозможи на земјите кои не се членки на ЕУ, вклучувајќи ги Украина и Обединетото Кралство, да им се приклучат на основните европски вредности.