Предлог-законот за минималната плата на ветераните на ОВК кој деновиве не беше изгласан во парламентот на Косово поради немање кворум, повторно ќе се најде на гласање на денешната собраниска седница. Вршителот на должноста претседател на поранешната организација на ветераните на ОВК Фатон Клинаку ги предупреди пратениците во косовското Собрание дека ќе се соочат со последици доколку гласаат за Предлог-законот за минимална плата предложен од Владата на Косово. Според него, овој предлог-закон е дискриминаторски кон воените ветерани.
Косовските ветерани и полицијата се судрија пред Парламентот поради протестите за пензиите
Во минатиот понеделник бранителите протестираа пред косовското Собрание барајќи приходите на бранителите да се вклучат во Предлог законот за минимална плата. Предлог-законот за минимална плата не ги опфаќа бранителите, додека според претходниот важечки закон, примањата на бранителите беа врзани за минималната плата. Косовскиот премиер Албин Курти рече дека новиот закон нема да ги опфати ветераните кои, според него, треба да имаат далеку поголем надомест, но дека треба да се прочисти списокот на бранители, бидејќи во него, како што тврди, „има и такви што не се бранители“. Барањата на бранителите ги поддржуваат сите опозициски партии. Предлог-законот предвидува зголемување на минималната плата од 170 на 264 евра бруто.