Десетици илјади луѓе се собраа во Националниот трговски центар во Вашингтон и ширум САД за да ги поттикнат законодавците да донесат построги мерки за контрола на оружјето по серијата смртоносни масовни престрелки во неколку градови во САД.
Градоначалничката на округот Колумбија, Муриел Боузер на протестот под мото „Марш за нашите животи“ во нејзиниот град им се приклучи на демонстрантите со ставот „доста е“.
„Зборувам како градоначалник, мајка и зборувам за милиони Американци и американски градоначалници кои бараат Конгресот да си ја заврши работата. А нејзината работа е да не заштити нас, да ги заштити нашите деца од огнено насилство“, изјави таа пред насобраните демонстранти за кои се проценува дека на протестниот марш присуствувале околу 40 илјади луѓе.
Демонстрантите ги повикаа сенаторите да дејствуваат или ќе се соочат со изгласување надвор од функцијата.
„Ако нашата влада не може да стори ништо за да спречи 19 деца да бидат убиени и заклани во нивното училиште и обезглавени, време е да се смени кој е во владата“, изјави Дејвид Хог, преживеан од пукањето во 2018 година во кое загинаа 17 ученици. Тој беше дел од персоналот во средното училиште Марџори Стоунман Даглас во Паркленд, Флорида, каде што беше ранет.
Тој е ко-основач на организацијата „Марш за нашите животи“ која беше создадена по тоа пукање.
Американскиот претседател Џо Бајден претходно овој месец го повика Конгресот да донесе мерки за зголемување на контролата на оружјето.
Говорејќи од Калифорнија, Бајден рече дека ги поддржува протестите.
Соединетите Американски Држави беа погодени од бран од смртоносни масовни престрелки во последните месеци.
Вооружен маж во градот Увалде, Тексас, уби 19 деца и двајца учители на 24 мај, 10 дена откако друг вооружен напаѓач уби 10 луѓе во самопослуга во Бафало, Њујорк.