Продолжуваат жестоките борби во Северодоњецк.
Украинските сили сега контролираат приближно една третина од клучниот град и покрај тоа што Русија во битката искористи огромен број војници и опрема, велат локалните власти.
Украинските власти повторно повикаа на брза испорака на оружје од Западот за да се спротивстават на огромната артилериска предност што ја има Русија на истокот, каде стотици војници секојдневно се убиваат или се ранети.
Секретарот на Советот за безбедност на Украина, Олексеј Данилов, на 9 јуни изјави дека ситуацијата во Северодоњецк е „исклучително комплицирана“ и дека руските сили ја фокусираат сета своја моќ во областа.
„Тие не го штедат својот народ, тие само испраќаат луѓе како топовско месо…Ја гранатираат нашата војска дење и ноќе“, изјави Данилов во интревју за Ројтерс.
Олександр Стрјук, началникот на воената администрација на Северодоњецк, на 9 јуни рече дека има „постојани улични борби“.
Претседателот Володимир Зеленски објави некои „позитивни“ вести од југоисточниот регион Запорожје, каде што рече дека Украинците успеале да ја спречат руската офанзива која требаше целосно да го заземе регионот.
Но, високиот помошник на Зеленски, Михајло Подољак, рече дека поради огромната предност на Русија со тешката артилерија, Украина губи меѓу 100 и 200 војници дневно на линијата на фронтот.