Повеќе од 4.000 цивили се убиени во Украина од почетокот на руската инвазија на 24 февруари, иако вистинската бројка е веројатно многу поголема, објави Канцеларијата на ОН за човекови права. Според информациите на Канцеларијата, која има десетици набљудувачи во земјата, досега загинале вкупно 4 031 лице, вклучително и околу 200 деца.
- Киев: Украина се бори да ја задржи контролата врз градот Лиман
- Мировните преговори во прекин, Кремљ ја обвинува Украина за „контрадикторни“ изјави
Повеќето цивили биле убиени за време на гранатирање или воздушни напади. Канцеларијата на ОН за човекови права не соопшти кој е одговорен за смртта на цивилите. Русија негираше дека цели на цивили во конфликтот.
Обраќајќи им се на индонезиските активисти на 27 мај, украинскиот претседател Володимир Зеленски рече дека околу 12 милиони луѓе се раселени поради војната во Украина, а околу 5,5 милиони ја напуштиле земјата.
Русија започна инвазија на соседна Украина на 24 февруари.