Вонреден коалициски совет вечерва во Софија, тема е Македонија
Бугарскиот премиер Кирил Петков
На барање на бугарскиот премиер Кирил Петков, вечерва во Софија ќе се одржи вонредниот совет на коалициските партнери во бугарската Влада, каде главна тема ќе бидат односите со Македонија.
Како што објави БНР, на советот се очекува Петков да им објасни на коалициските партнери зошто побарал од претседателот на Бугарија, Румен Радев да го свика Консултативниот совет за национална безбедност и да го претстави досега постигнатото во дијалогот со Скопје.
Станислав Балабанов од Има таков народ на Слави Трифонов, изјави дека ќе слушнат што ново има да каже Петков, но нивниот став е јасен и базиран на позицијата утврдена со декларација од 44-то Народно собрание и на претседателскиот советодавен совет.