Унгарија ќе ги обврзе банките, телекомуникациските фирми, големите трговски синџири, осигурителните компании, енергетските компании и авиокомпаниите да уплатат „голем дел од нивните дополнителни профити“ во државниот буџет, објави премиерот Виктор Орбан на неговата Фејсбук страница. Орбан наведе дека неочекуваните даноци ќе се применуваат во 2022 и 2023 година, додавајќи дека банките и компаниите кои остваруваат „дополнителен профит“ во сегашната тешка ситуација во услови на војна во Украина и зголемените цени, ќе мора да придонесат за трошоците за зајакнување на унгарската армија и ограничувања за финансирање на сметките за енергија на домаќинствата. Орбан не образложи за висината на приходите наменети од новите мерки, велејќи дека сите детали ќе бидат објавени денеска.
Орбан предупредува на рецесија во Европа
Ова не е прв пат Орбан, кој дојде на власт во 2010 година и го освои четвртиот последователен мандат на изборите минатиот месец, да одлучи да наметне неочекувани даноци за банките и другите сектори за да ги затвори дупките во државниот буџет. Орбан ја стабилизираше економијата со мноштво неочекувани даноци за банките, малопродажните и енергетските фирми по 2010 година, што помогна да се намали дефицитот, но ја намали довербата на инвеститорите. Соочен со порастот на инфлацијата, Орбан воведе ограничувања на цените на основната храна, горивата и хипотеките, покрај ограничувањето на сметките за енергија.