Врховниот суд на Русија денеска ќе го разгледа случајот со признавањето на украинскиот Азовски полк како терористичка организација, се наведува на веб-страницата на Министерството за правда. Министерството за правда пак наведува дека административниот случај за признавање на украинското паравоено националистичко здружение Азов (познато и како Азов баталјон или Азовски полк) како терористичка организација и забрана за нејзините активности во Руската Федерација е закажана ќе биде сослушано на 26 мај во зградата на Врховниот суд на Руската Федерација“, се вели во извештајот.
Украина загрижена за судбината на борците од Азовстал
Вчера Државната дума на Руската Федерација ја разгледа нацрт-резолуцијата што ја предложи претседателот на Комитетот за одбрана на Државната дума, Андреј Картаполов, за забрана на размена на таканаречените „нацистички криминалци“. Претходно, портпаролот на Државната дума, Вјачеслав Володин, на пленарна седница изјави дека „нацистичките криминалци“ не треба да се разменуваат, а Русија прави сѐ за да ги изведе пред лицето на правдата. На 16 мај, Генералштабот на вооружените сили на Украина соопшти дека гарнизонот во Мариупол ја завршил својата борбена мисија, а на командантите на единиците им било наредено да ги спасат животите на воениот персонал.