Властите во отцепениот молдавски регион Трансдњестар денеска соопштија дека биле извршени два обиди за напади врз складиште за гориво и воен центар во регионалниот главен град Тираспол. Инцидентите беа најнови во серијата наводни напади пријавени од Трансдњестар поддржан од Русија во текот на изминатите недели, поради зголемените стравувања од прелевање од конфликтот во соседна Украина.
„Околу 4 часот и 15 минути, автомобил застанал во близина на складиште за нафта на едно претпријатие, од кое излегло непознато лице, фрлило молотов коктел кон зградата и избегало“, се вели во соопштението на самонареченото министерство за внатрешни работи. При нападот се запалила само тревата, но набрзо малиот пожар бил веднаш изгаснат, велат оттаму.
Прво Украина, сега Молдавија? Дали Кремљ ќе ја прошири војната?
Околу 30 минути подоцна „фрлени се два молотови коктели“ врз воената канцеларија во Тираспол, при што огнот веднаш бил изгаснат и спречено понатамошно ширење.
Трансдњестар е тесен појас на земја меѓу Молдавија и Украина. Оваа обласа прогласи независност во 1990 година, а двете страни водеа кратка војна во 1992 година, која беше задушена од руските трупи кои интервенираа во полза на сепаратистите.
Агенција за разузнавање на САД: Путин се подготвува за продолжен конфликт во Украина
Русија сè уште има околу 1.500 војници во Трансдњестар, за кои се вели дека чуваат огромен магацин за оружје од времето на Советскиот Сојуз.
Покрај трупите кои наводно го чуваат складиштето, Русија има уште 400-500 војници во Трансдњестар, кои се етикетирани како мировници од крајот на војната во 1992 година.
Стравувањата од прелевање на конфликтот во Украина се зголемија откако руски генерал рече дека инвазијата на Москва имала цел да создаде копнен коридор низ јужна украинска територија до Трансдњестар. Европската унија на 4 мај вети дека ќе ја зголеми воената помош за Молдавија.