Од Илинденска до вселената

САД - Научниците објавија фотографија од супермасивна црна дупка која ја опишуваат како нежниот џин, сместена во центарот на галаксијата Млечен Пат. Ја нарекле Sagittarius A.

МАКЕДОНИЈА - Министерката за труд и социјална политика Јованка Тренчевска и претседателот на Самостојниот синдикат за образование, наука и култура (СОНК) Јаким Неделков денеска имаа средба на која било разговарано за барањата кои се дел од одлуката за штрајк на вработените во градинките и прашањето за платите на вработените за време на штрајк. На средбата присуствувале претставници од двете страни во дијалогот.

УКРАИНА - Советот за човекови права на ОН (УНХЦР) денеска со големо мнозинство ја одобри резолуцијата за покренување истрага за наводите за злоупотреби од страна на руските војници во областите на Украина коишто тие привремено ги контролираа.

ФИНСКА - Финскиот претседател Саули Ниинисто и премиерката Сана Марин го поддржаа откажувањето од долгогодишниот став за неутралност на земјата, велејќи дека нордиската нација треба да и се приклучи на НАТО алијансата како одговор на руската непредизвикана инвазија на Украина.

ЛАТВИЈА - Латвиските пратеници одобрија нацрт-закон со кој се дозволува демонтирање на контроверзен советски споменик во главниот град Рига, бидејќи балтичката земја сака дополнително да го отфрли своето минато под окупација на Советскиот Сојуз, поради руската неиспровоцирана инвазија на Украина.

ЕУ / КОСОВО - Европската унија не ги коментира процесите поврзани со друга институција, особено кога не е членка, изјави портпаролот на ЕУ Питер Стано во врска со барањето на Косово за членство во Советот на Европа.

ГЕРМАНИЈА - Германската компанија Сименс АГ соопшти дека целосно ќе ги запре своите активности и ќе излезе од рускиот пазар поради неиспровоцираната инвазија на Москва на Украина.