Украинската вицепремиерка Ирина Верешчук изјави дека властите преговараат со руската страна за можна евакуација на десетици тешко ранети украински борци заробени во фабриката за метали Азовстал, во разурнатиот јужен град Мариупол.
Таа наведе потенцијална размена за заробени руски војници, но рече дека разговорите се „многу тешки“.
„Во моментов преговараме само за 38 тешко ранети [украински] борци“, рече Верешчук преку Телеграм.
„Во моментов нема разговори за размена на 500 или 600 луѓе, како што објавија некои медиуми.
Таа ги обесхрабри јавните коментари за какви било специфики на разговорите или „мешањето“, за да се избегне дезинформирање или закана за напредокот.
Интензивната седумнеделна опсада на руските сили околу Азовстал стана моќен симбол на украинскиот отпор.
Многу од цивилите заробени во Азовстал - жени, деца и постари лица, се евакуирани, иако владата во Киев сугерираше дека околу 100 луѓе кои не се борци можеби сè уште се кријат во тунелите и инфраструктурата на речиси 90 години старата фабрика за челик.
Верешчук на 10 мај рече дека повеќе од 1.000 украински борци останале во Азовстал, последниот џеб на отпорот по повеќе од два месеци руско опкружување и тешки борби што израмнија големи делови од градот.
Таа во коментарите за АФП додаде дека „стотици со сериозни повреди кои бараат итна евакуација“ се внатре, а ситуацијата „се влошува секој ден“.
Украинскиот претседател Володимир Зеленски минатата недела призна дека неговите сили не можат воено да го деблокираат Мариупол и рече дека се во тек подготовки за втора фаза на евакуација за да се извлечат повредените и медицинските лица.