Лидерска средба може да има, но за прашања кои се стратешки, за прашања кои значат подобар живот на граѓаните и кои значат за справување со енергетската криза. Меѓутоа, лидерска средба заснована на уцени и закани, а го гледаме претседателот на ВМРО ДПМНЕ одбројува како во некој лош акционен филм, таква лидерска средба нема да има, тоа е ставот на сите политички партии, дури и од партии кои се во опозициониот блок, порача денеска премиерот Димитар Ковачевски.
Тој повтори дека најавата за блокада на Собранието од страна на најголемата опозициска партија е неодговорна и е за политички цели.
„Барањето на опозицијата за лидерска средба за предвремени избори е неодговорно затоа што со блокирање на Собранието, во време на војна и во време кога цените на енергенсите и храната постојано растат, во време кога не може да се обезбеди транспорт на жито од Украина, каде што силосите во Украина се преполни, но поради тоа што се неупотребливите пристаништа во делот на Одеса и не може да се изнесе од Украина, во такви услови да барате предвремени избори е неодговорно и е за политички цели“, истакна Ковачевски.
- ВМРО-ДПМНЕ нема да поддржи промена на Уставот без писмени гаранции за тргнување на бугарското вето
- Блокирано Собрание за спас на државата или за деструкција?
Ковачески рече дека постои коминикација меѓу сите политички партии, дека и тој е во комуникација со градоначалници кои на локално ниво имаат потреби за решавање на одредени предизвици со Владата. Потсети дека вчера се одржаа и „Жан Моне“ состаноците на пратеничките групи и нагласи дека тоа е начинот на која треба да функционира една парламентарна демократија.