Најмалку 22 лица загинаа, а повеќе од 60 се хоспитализирани откако голема експлозија потресе еден од најекслузивните кубански хотели со пет ѕвезди.
Се верува дека цистерна со гас паркирана пред хотелот Саратога во Стара Хавана се запалила, предизвикувајќи експлозија која уништила неколку ката од зградата. Историскиот хотел требаше повторно да биде отворен по пандемија за четири дена.
Се уште трае операцијата за пребарување и спасување за лоцирање на луѓето затрупани под урнатините.
Кубанското претседателство соопшти дека меѓу загинатите има бремена жена и дете. Повредените се згрижени во блиските болници. Јазира де ла Каридад, која живее еден блок подалеку од хотелот, за CBS изјави дека „помислила дека (експлозијата) е земјотрес“.
Сведоците изјавија дека виделе облаци од црн чад и облаци од прашина како се издигнуваат на небото по експлозијата.
Училиштето веднаш зад хотелот не е погодено, а локалните власти потврдија дека сите деца се безбедно евакуирани.
Кубанскиот претседател Мигел Дијаз-Канел го посети местото на несреќата, кое се наоѓа спроти старата зграда на владиниот конгрес.
„Тоа не беше бомба или напад, тоа беше несреќа, изјави претседателот“.
Инцидентот се случува во време кога туризмот во земјата повторно излезе од две тешки години предизвикани од пандемијата со ковид 19.