Четири лица загинаа, а повеќемина се повредени по експлозија во хотел во центарот на Хавана, објавија кубанските државни медиуми.
Кубанските медиуми објавија снимка на која се гледа сериозно оштетување на хотелот Саратога во Хавана кој има пет ѕвезди и 96 соби, два ресторани и базен на покривот. На видеото се гледа како густи облаци од чад се издигнуваат во воздухот по експлозијата.
Кубанскиот претседател Мигел Дијаз-Канел ја отфрли можноста за бомбашки напад, но додаде дека властите сè уште истражуваат што ја предизвикало експлозијата.
Хотелот во неокласичен стил беше реконструиран од британска компанија по падот на Советскиот Сојуз и многу години се сметаше за место за посета на владини претставници и познати личности. Неодамна, тој изгуби дел од својот сјај со отворањето на нови хотели во Хавана, но сепак остана место со пет ѕвездички.