Велика Британија санкционираше компанија за челик и рударство „Евраз“ чиј најголем акционер е милијардерот Роман Абрамович. Во меѓувреме Западот продолжува финансиски да ја казнува Русија за нејзината инвазија на Украина.
Обединетото Кралство денеска ги објави новите санкции против „Евраз“, главен производител на челични производи за руската железничка индустрија, вклучително тркала и пруги.
Производите на „Евраз“ се клучни за воените напори на Русија бидејќи ја користи железница за да ги премести клучните воени резерви и војници на линијата на фронтот во Украина.
„Компанијата за производство и рударство на челик работи во сектори од стратегиско значење за Владата на Русија. Денешното замрзнување на имотот значи дека ниту еден граѓанин или компанија на ОК не може да работи со нив“, се вели во соопштението на владата на Велика Британија.
Во лов по суперјахти на богатите и моќни Руси
Акциите на Евраз, кои се тргуваат на лондонската берза, се суспендирани од тргување од 10 март, кога Британија воведе санкции за Абрамович, тајкун за кој се верува дека е близок до рускиот претседател Владимир Путин.
Британија го замрзна имотот на соработниците на Роман Абрамович
Претходно, Британија ги замрзна средствата вредни до 10 милијарди фунти на двајца руски олигарси кои се опишани како долгорочни деловни соработници на рускиот милијардер и сопственик на Челзи, Роман Абрамович