Велика Британија го укина статусот на Московската берза како меѓународно призната берза што е своевиден одговор на ограничувањата кои Русија им ги постави на странските инвеститори по спроведувањето на финансиските санкции кон Москва за нејзината инвазија на Украина.
Одделот за приходи и царина на Обединетото Кралство (HMRC)денеска ја ажурираше својата листа на „назначени признати берзи“, истакнувајќи дека ознаката за московската берза е отповикана и веднаш ефективна.
Минатиот месец британската влада сигнализираше дека овој потег ќе следува велејќи дека ограничувањата наметнати на странските инвеститори од страна на руската централна банка на 28 февруари значат дека московската берза „повеќе не работи во согласност со нормалните комерцијални стандарди што се очекуваат од призната размена“.
„Со оглед на тоа што Московската берза не ги повлече ограничувањата за странските инвеститори, Обединетото Кралство немаше друг избор освен да го отстрани признатиот статус“, рече Луси Фрејзер, финансиски секретар во Министерството за финансии.
Ова ќе го спречи натамошното канализирање на пари во руските имоти и ќе испрати јасна порака дека нема можност за нови инвестиции во Русија.
Признатиот статус на берза е класификација дадена од Одделот за приходи и царина на Обединетото Кралство која дозволува хартиите од вредност со кои се тргува на таква берза да бидат подобни за одредени даночни третмани и олеснувања.
Обединетото Кралство ги следеше Соединетите Американски Држави, Европската Унија и многу други сојузници во воведувањето санкции кон Русија, од претседателот Владимир Путин и неговото семејство, до руски компании, милијардери и високи владини претставници, како одговор на неиспровоцираната војна што Кремљ ја започна против Украина на 24 февруари.