Официјалната инфлација во Турција изнесувала 70 отсто во април, покажуваат последните податоци, што пак претставува огромен предизвик за владата на претседателот Реџеп Таип Ердоган.
Индексот на потрошувачките цени се зголеми за 69,97 отсто во годината заклучно со април во споредба со 61,14 отсто во март, објави Националната агенција за статистика.
- Турците чекаат ред за евтин леб, инфлацијата ја јаде заработката
- Турската лира пропаѓа. Какво е влијанието?
Економистите велат дека многу од социјалните проблеми на Турција може да се припишат на неконвенционалната економска стратегија на претседателот Ердоган, кој одврати многу странски инвеститори од пазарот што некогаш ги вети.
Ердоган инсистира на тоа дека се потребни остри намалувања на каматните стапки за да се намалат зголемените потрошувачки цени.
Повисоката стапка на инфлација може да се припише и на падот на турската лира, што значително влијаеше на растот на увозот на енергија.