Координаторите на пратеничките групи во албанскиот Парламент на денешната средба се договорија првиот круг на гласање за нов претседател на државата да се одржи на 16 мај.
Координаторот на пратеничката група на владејачката социјалистичка партија, Таулант Бала претходно рече дека првиот круг ќе биде на 10 мај, но неговиот колега од опозициската Демократска партија (ПД), Енкелејд Алибеај побара неколку дена за договор во партијата.
„Значи се договоривме на 16 мај да биде првиот круг од процесот на гласање во законодавниот дом, додека 10 мај треба да биде датум на почеток на процесот. Би ги поканил сите тројца координатори, вклучително господинот Алибеај, како лидер на најголемата опозициска група, да продолжиме со соработката за да избереме кандидат кој доследно ќе ја носи функцијата претседател“, изјави Бала.
На средбата во присуство на првиот парламентарец, Линдита Никола беше и Месила Дода, координаторка на пратеничката група „За демократија и интеграција“.
Мандатот на актуелниот претседател Илир Мета завршува на 24 јули, а новиот, парламентот треба да го избере до крајот на месецов.