Амбасадорот на Соединетите држави во Србија Кристофер Хил изјави дека САД и Европската унија очекуваат Србија да се приклучи кон санкциите против Русија, но дека Белград сам одлучува за тоа и дека нема притисок. Во интервју за Гласот на Америка, Хил исто така рече дека Србија треба „да преиспита ако верува дека Русија ќе ѝ помогне да го реши косовското прашање“. На прашањето која е главната порака по посетата на американските сенатори на Белград на 19 април, а потоа и помошникот државен секретар на САД за Европа и Азија Карен Донфрид на 26 април, Хил рече дека се разговарало за повеќе теми.„Секако, една од темите беше ситуацијата во Украина, една од најголемите трагедии на овој век. Затоа, не е чудно што американските претставници презентираа различни аспекти на таа ситуација во комбинација со односите Србија-ЕУ и фактот дека од Перспектива ЕУ-САД.“ „Србија треба да дејствува како членка на ЕУ и да им се приклучи на санкциите“, рече Хил.
Брнабиќ -САД не поставија ултиматум на Србија да воведе санкции против Русија
Тој негираше дека американски официјални лица ѝ поставиле ултиматуми на Србија во врска со воведувањето санкции кон Русија поради нејзината инвазија на Украина. „Но, САД и кажуваат на Србија дека не е прашање дали одите на исток или на запад, туку има само еден правец и на Србија е да одлучи колку брзо сака да стигне таму“, рече Хил. Одговарајќи на прашањето дали ќе има последици по односите меѓу Србија и САД доколку не се воведат санкции кон Русија, Хил изјави: „Тоа е хипотетичко прашање. Ние разговараме со Србија за тоа што можеме заедно да направиме за да ја завршиме оваа војна. Не би сакал да навлегувам во тоа, не зборуваме за последиците. Суштината е дека сакаме подобри односи, можност да се најдат заеднички интереси“, рече американскиот амбасадор.
Дали Русија навистина отсекогаш била со Србија?
Зборувајќи за наводите на српските власти дека Русија ги штити интересите на Србија во Советот за безбедност за прашањето за Косово, Хил рече дека „не видел ништо што укажува на тоа дека Русија штити некого освен претседателот Путин“.