Холивудската ѕвезда Анџелина Џоли допатува во неочекувана посета на западноукраинскиот град Лвив. Таа ги посети прифатилиштата за децата без родители и раселени, вклучително и неколку кои се евакуираа од Мариупол. Џоли се сретна и со лекари и волонтери кои се грижат за децата.
Целта на нејзината посета е да посведочи на страдањата и да им даде поддршка на цивилите кои се погодени од војната, изјави нејзиниот портпарол. Актерката ги пофали Украинците за нивната „отпорност, храброст и достоинство“.
„Влијанието што војната го има врз генерација на украински деца е поразително да се види. Ниту едно дете никаде не треба да ги напушти своите домови или да биде сведок на убиството на своите најблиски или да доживее гранатирање и уништување. на нивните домови. Сепак, тоа е реалноста на толку многу деца во Украина и ширум светот,“ изјави актерката по посетата.
Над 1200 украински цивили се мачени и убиени околу Киев
Според киевскиот „Индипендент“, Џоли ја посетила и главната железничка станица во градот за да ги пречека внатрешно раселените Украинци кои пристигнуваат од Покровск, град во регионот на Доњецк во источна Украина. Џоли долги години работи како специјален претставник на Агенцијата за бегалци на Обединетите нации. Лвив, во западна Украина, беше мета на руската армија во последниве неколку недели. Во последниот ракетниот напад врз градот загинаа најмалку седум лица.