Камчев, Бекер, порнографија...

МАКЕДОНИЈА - Бизнисменот Орце Камчев со спогодба признал вина за случајот Империја и е осуден на една година затвор, вели шефицата на Обвинителството за гонење на организиран криминал и корупција, Вилма Русковска. Таа во интервјуто за Топ Тема што ќе биде емитувано вечерва на телевизија Телма појаснува дека Камчев поднел барање за спогодба пред 15-тина дена, а пред два дена спогодбата поминала и на суд. Покрај затворската казна, Камчев ќе уплати и 5,1 милиони евра на државниот буџет преку УЈП.

МАКЕДОНИЈА - Околу три проценти од вкупното резидентно население во земјава, односно над 53 илјади луѓе, имаат двојно државјанство, Најголем дел од нив, околу 37 проценти, освен македонско, имаат и бугарско државјанство, соопшти Државниот завод за статистика.

ВЕЛИКА БРИТАНИЈА - Пратеничката група на конзервативците во британскиот Парламент го суспендираше пратеникот Нил Париш, кој е под интерна истрага по обвинувањата дека гледал порно на својот мобилен телефон во Долниот дом на Парламентот.

Cuba -- Former German tennis player Boris Becker smokes a cigar during the closing ceremony of the 15th Cuban Havana Cigar Festival in Havana, March 2, 2013

ЕУ - Специјалниот претставник на Европската унија за дијалог меѓу Косово и Србија, Мирослав Лајчак, потврди дека следниот состанок на главните преговарачи ќе се одржи на 13 мај.

РУСИЈА - Русија се подготвува за овогодинешниот самит на Г-20 во Индонезија, но сè уште не е донесена одлука дали претседателот Владимир Путин ќе присуствува лично или виртуелно, изјави денеска портпаролот на Кремљ, Дмитриј Песков.

УКРАИНА - Новинарката и продуцентка на Радио Слободна Европа- РСЕ, Вера Гирич загина во Киев откако руска ракета вчера ја погоди нејзината куќа. Нејзиното тело утрината беше пронајдено под урнатините на куќата.

МАКЕДОНИЈА - Синдикатот за образование, наука и култура (СОНК) го стави штрајкот во мирување, а учениците од денеска повторно се вратија на настава.