Иранските власти потврдија дека нуклеарната центрифуга е преместена во подземниот нуклеарен комплекс Натанз, неколку дена откако ОН соопштија дека поставиле надзорни камери за следење на новата работилница на барање на Техеран, објавија иранските медиуми.
Иранските државни медиуми го цитираа портпаролот на организацијата за атомска енергија на земјата, Бехруз Камалванди, кој рече дека властите ја донеле одлуката поради безбедносни причини.
Иранската центрифуга во Карај беше цел на, како што Иран го опиша диверзантски напад во јуни. Самиот Натанз двапати беше цел на диверзантски напади за кои Иран го обвини Израел.
Оттогаш Техеран се обидува да ја зголеми безбедноста на таквите локации.
„За жал, поради терористичката операција што се случи против Карај, бевме обврзани да ги засилиме безбедносните мерки и преместивме значителен дел од машините, а остатокот го префрливме во Натанз и Исфахан“, рече Камалванди.
Минатата недела Меѓународната агенција за атомска енергија објави дека на барање на иранските власти поставила камери и ги отстранила заштитните пломби од машините во новата работилница во Натанз.
Меѓународните претставници укажуваат на стравувањата дека Иран е се поблиску до производство на нуклеарно оружје, официјален Техеран ги негира овие тврдења.
Преговорите меѓу Иран и светските сили во Виена за заживување на нуклеарниот договор, со кој официјален Техеран би се обврзал да го прекине развојот на нуклеарни проекти кои би можеле да доведат до развој на нуклеарно оружје, беа прекинати пред четири години.