Американскиот претседател Џо Бајден изјави дека неговата администрација размислува да испрати високи американски претставници во Украина. Тој, исто така, рече дека е подготвен и тој да оди во Украина. Во вторникот вечерта, украинскиот претседател Володимир Зеленски изјави дека им е „искрено благодарен“ на САД за новата рунда воена помош од 800 милиони долари.
Лидерите на Балтичките земји и Полска на средба со Зеленски во знак на поддршка за Украина
Во своето секојдневно обраќање до нацијата, Зеленски, исто така, рече дека е благодарен за посетата на претседателите на Полска, Естонија, Литванија и Летонија. Тој рече дека овие лидери „ѝ помагаат на Украина од првиот ден и кои не се двоумеле да ѝ дадат оружје и не се сомневале дали да воведат санкции“. Во неговиот телефонски разговор претходно истиот ден со Бајден, Зеленски рече дека разговарале за новата испорака на оружје, уште построги санкции против Русија и напорите да се изведат пред лицето на правдата оние руски војници кои извршиле воени злосторства во Украина.