Околу два милиона украински деца избегаа од војната во други земји, а уште 2,5 милиони се внатрешно раселени во Украина, објави Агенцијата за деца на Обединетите нации УНИЦЕФ. УНИЦЕФ наведува дека повеќе од 1,1 милион деца од Украина се во Полска и дека стотици илјади пристигнале во Романија, Молдавија, Унгарија, Словачка и Чешка. Децата сочинуваат половина од вкупниот број бегалци од Украина, според агенцијата на ОН.
Конвои на надежта: Украина ги евакуира децата болни од рак
Високиот комесаријат за бегалци на Обединетите нации УНХЦР утврди дека за време на руската инвазија на Украина биле убиени повеќе од 100 деца и дека најмалку 134 деца биле повредени. УНХЦР наведува дека реалниот број на убиени и повредени деца во Украина е веројатно многу поголем.