Мариупол е една од трите области во кои денеска е договорен хуманитарен коридор, изјави вицепремиерката на Украина, Ирина Верешчук.
Опколениот јужен пристанишен град беше под речиси постојано гранатирање, а околу 400.000 луѓе се уште се заробени.
Ќе бидат отворени и патишта за влез и излез од Мелитопол за да им се овозможи на луѓето да излезат и да им се помогне да влезат, како и патишта меѓу Енерходар и Запорожје.
„Колони автобуси и камиони со хуманитарна помош веќе го напуштија Запорожје“, рече таа во денешна видео порака.
„Бараме окупаторските сили да се придржуваат до своите обврски и да дозволат хуманитарната колона да минува низ контролните пунктови“, рече Верешчук.