Русија одлучи да протера вкупно десет дипломати од балтичките земји, тројца дипломати од Естонија и Летонија и четворица од Литванија, соопшти руското Министерство за надворешни работи.
Набргу по одлуката на Бугарија на 18 март, Латвија и Естонија објавија истиот ден дека протеруваат по тројца руски дипломати, додека Литванија изјави дека им кажала на четворица Руси дека мора да ја напуштат земјата.
Литванскиот министер за надворешни работи Габриелиус Ландсбергис рече дека руските воени напади врз цивили и цивилни објекти како болници и училишта се „воени злосторства и злосторства против човештвото“.
- Бугарија протера двајца руски дипломати поради шпионажа
- Русија прогласи двајца бугарски дипломати за персона нон грата
Естонија соопшти дека дипломатите чие протерување го објави „директно и активно ја поткопувале безбедноста на Естонија и ширеле пропаганда што ја оправдува руската воена акција“.
Латвискиот министер за надворешни работи Едгарс Ринкевичс рече дека Рига протерува тројца претставници на руската амбасада поради „активности спротивни на нивниот дипломатски статус земајќи ја предвид тековната руска агресија во Украина“.
По почетокот на руската инвазија на Украина, руските дипломати беа протерани од неколку земји-членки на НАТО. Минатата недела Полска одлучи да протера дури 45 руски дипломати.