Украинскиот претседател Володимир Зеленски денеска виртуелно ќе му се обрати на јапонскиот парламент, со цел да собере меѓународна поддршка за борбата на неговата земја против руската инвазија. Јапонија неодамна зазеде цврст став против Русија, во склад со другите земји од Групата седум. Видеообраќањето на Зеленски, кое се очекува да трае околу десет минути, ќе биде прикажано во салата за состаноци на Долниот дом на јапонскиот парламент.
Зеленски- Украина е на работ на опстанок
Зеленски веќе имаше виртуелни обраќања до американскиот Конгрес, како и до парламентите во Европа, Канада, Италија и Израел. Државниците, меѓу кои и поранешниот американски претседател Џорџ Буш и поранешната претседателка на Филипините Глорија Макапагал Аројо, одржаа говори во живо за време на официјалните посети на Јапонија, но досега немаше онлајн обраќање на ниту еден странски лидер.
Русија ги напушти мировните преговори со Јапонија поради Украина
Русија завчера ја објави својата одлука да ги прекине преговорите за мировен договор со Јапонија за спорните Курилски острови и да се повлече од заедничките економски проекти, повикувајќи се на санкциите што Токио ѝ ги воведе на Москва поради инвазијата на Украина.