Рускиот министер за надворешни работи Сергеј Лавров изјави дека Москва ќе ги притисне своите барања Украина да се откаже од кандидатурата за влез во НАТО, да усвои неутрален статус и да се „демилитаризира“. Тој посочи дека мировните преговори со Украина кои продолжуваат денеска не се лесни, но додаде дека постои надеж за компромис.
„Се водам од оценките дадени од нашите преговарачи. Тие велат дека преговорите не се лесни од очигледни причини. Но, сепак, постои некаква надеж за постигнување компромис“, рече Лавров.
Членот на украинската делегација Михајло Подољак, кој е советник на претседателот Зеленски по вчерашните преговори рече дека има „суштински противречности“ за окончување на рускиот воен напад врз Украина, но оти компромис е можен. Руската инвазија вр Украина започна на 24 февруари.