Русија ќе ја постигне својата цел да обезбеди неутрален статус на Украина и претпочита да го направи тоа преку разговори, изјави денеска портпаролката на руското Министерство за надворешни работи, Марија Захарова.
Според неа, целите на Москва не вклучуваат соборување на владата во Киев и земјата се надева дека ќе се постигне позначаен напредок во следната рунда разговори со Украина. Захарова додаде дека руската воена операција се одвива строго во согласност со нејзиниот план.
На 7 март се одржа третата рунда разговори меѓу руските и украинските преговарачи додека двете страни се обидуваат да изнајдат начин за ставање крај на инвазијата на Москва врз нејзиниот сосед.