Руската опозициска активистка и поранешна пратеничка од Москва, Јулија Гаљамина е осудена на 30 дена затвор под обвинение за кршење на законот за јавни настани, поради нејзиниот обид да организира протест против руската инвазија на Украина.
Адвокатот на Гаљамина, Марија Ајсмонт, рече дека московскиот окружен суд Савеловски денеска ја осудил нејзината клиентка, еден ден откако таа беше приведена.
Руските власти се обидуваат да го потиснат јавното противење на неиспровоцираниот напад врз Украина и поставија бариери за независно известување.
Според „ОВД-Инфо“ - невладина организација која ги следи полициските апсења ширум земјата, досега се приведени 8.255 луѓе за антивоените акции во Русија.