Претседателот на Собранието на Србија во техничкиот мандат, Ивица Дачиќ, денес ги распиша претседателските избори за 3 април, истиот ден кога ќе се одржат и вонредните парламентарни и локалните избори.
Во Домот на народното собрание, Дачиќ изјави дека во согласност со Уставот распишал редовни претседателски избори за 3 април, 90 дена пред истекот на мандатот на претседателот на Републиката.
„Одлуката стапува во сила со објавување во Службен весник, што значи дека веднаш ќе започнат изборните активности. Ќе потсетам дека партиите и другите предлагачи имаат право да ги предложат своите кандидати до 12 март на полноќ, а тоа важи и за другите избори, годинава е усогласен рокот за поднесување листи за парламентарни и претседателски избори“, кажа Дачиќ.
Мандатот на претседателот Александар Вучиќ е до крајот на месецот и ќе биде во полн мандат, бидејќи не постои можност за технички мандат, а законите дефинираат дека само Владата е во технички мандат, порача Дачиќ.