Руското Министерство за надворешни работи го отфрли заедничкиот одговор на НАТО и Европската Унија за нејзините безбедносни прашања како непочитување и недостаток, објави Ројтерс.
Министерството соопшти дека министерот за надворешни работи Сергеј Лавров испратил прашање до сите земји-членки на блокот за нивното разбирање на принципот на „неделлива безбедност“, очекувајќи индивидуален одговор од секоја земја.
- Кремљ објави дека „нема резултати“ по разговорите за Украина
- Стејт департментот ги повика Американците да ја напуштат Украина
Наместо тоа, тој добил одговори од првиот човек на НАТО и високата претставничка за надворешни работи на ЕУ, до кои Лавров не испратил барање.
„Ваквиот чекор не може да се гледа како ништо друго освен знак на дипломатска грубост и непочитување на нашето барање“, велат од Министерството.
Тензиите меѓу Русија и Западот се зголемуваат откако Русија натрупа околу 100.000 војници во близина на границата со Русија. НАТО и неговите сојузници ги засилуваат своите сили во Источна Европа поради страв од руска инвазија на Украина, што Москва го отфрла.
Русија вели дека сака Западот да ги држи Украина и другите поранешни советски земји надвор од НАТО.