Шефот на пратеничката група на Движењето Самоопределување Мимоза Кусари Љиља изјави дека парламентарните и претседателските избори, организирани од Србија на 3 април, треба да се спроведат исто како и референдумот, односно Србите од Косово да го остварат своето право на глас по пошта, Српската канцеларија за врски во Приштина или на избирачко место во некој од пограничните градови во Србија. Косово не дозволи на неделниот референдумот за уставни измени во Србија да се гласа на територијата на Косово, со образложение дека отворањето избирачки места во Косово е прекршување на Уставот и законите на Косово и дека оние со српско државјанство можат да го остварат своето право на глас преку пошта или Канцеларијата за врски на Србија со Косово во Приштина.
Косово усвои Резолуција против одржување на српскиот референдум
На референдумот во Србија одобрени уставните промени во судството
Претседателот на Српската листа Горан Ракиќ најави реципроцитетни мерки доколку меѓународната заедница не помогне да се организираат изборите на 3 април, обраќајќи се на протестот во Северна Митровица во неделата, на кој главно присуствуваа вработени во јавните институции финансирани од Србија, за да изразат незадоволство од одлуката на владата на Косово да не се одржува референдумот на Косово. Претседателот на Србија, Александар Вучиќ, повтори дека забраната за одржување референдум на Косово ќе има „далекосежни последици“.