Рускиот претседател Владимир Путин го опиша падот на Советскиот Сојуз како крај на „историска Русија“ и за прв пат откри дека работел како таксист за време на економската криза што следеше по нејзиниот колапс. Ова тој го кажува во документарниот филм наречен Русија, понова историја, емитуван на 12 декември. „Тоа беше распаѓање на историска Русија под името Советски Сојуз“, рече Путин за распадот во 1991 година, додавајќи: „Се претворивме во сосема друга земја. И она што беше изградено во текот на 1.000 години беше во голема мера изгубено“, рече Путин. Тој наведе дека 25 милиони етнички Руси се отсечени од Русија во новите независни земји.
Запознајте го „сиромашниот италијански архитект“ кој ја дизајнираше „палатата на Путин“
Путин, поранешен агент на советската служба за безбедност КГБ, претходно се жалеше за распадот на Советскиот Сојуз, нарекувајќи го „најголемата геополитичка катастрофа на 20 век“. Сепак, најновите коментари на Путин може да поттикнат шпекулации за неговите надворешнополитички намери кон Украина, поранешна советска република со големо етничко руско малцинство.
Сателитски снимки откриваат трупање на руски војници во близина на украинската граница и на Крим
Крајот на Советскиот Сојуз доведе до период на економска и социјална нестабилност што доведе многумина во сиромаштија. Тогаш тој повремено работел како таксист за да ги зголеми своите приходи. „Понекогаш морав да заработам дополнителни пари. Мислам, да заработите дополнителни пари со автомобил, како приватен возач. Непријатно е да се зборува за тоа да бидам искрен, но, за жал, тоа беше случај“, вели Путин. На почетокот на 1990-тите, Путин работеше во канцеларијата на градоначалникот на Санкт Петербург, Анатолиј Собчак.