Министрите за здравство на Европската унија денеска ќе разговараат дали да ги прилагодат ограничувањата за патување наметнати од земјите-членки на јужноафриканските земји како одговор на варијантата Омикрон на коронавирусот. Министрите на ЕУ може да се договорат за потребата од PCR тест за вакцинирани државјани на трети земји од тој регион, што би можело да овозможи ублажување или укинување на некои забрани за патување во рок од една недела.
Омикрон варијантата, надеж дека ковид-19 влегува во категоријата на вообичаени вируси?
Неколку европски нации на 27 ноември ги објавија своите први случаи на високо заразниот нов сој на коронавирус откриен во Јужна Африка и почнаа да воведуваат ограничувања за воздушниот сообраќај.
Фаучи: Првите извештаи за омикрон покажуваат дека е помалку опасен од делта вирусот
Вчера, Ентони Фаучи, инфектолог и главен советник на американскиот претседател за пандемијата, изјави дека иако сојот омикрон на коронавирусот брзо се шири, првите индикации се дека тој е помалку опасен од видот делта. Тој изјави дека администрацијата на Бајден размислува за укинување на ограничувањата за патниците од неколку африкански земји.