Денеска треба да се одржи првата седница на новоизбраното 47. Народно собрание на Бугарија што во минатата недела ја закажа претседателот Румен Радев. Веднаш потоа почнува и процедурата за новата влада. Уставната процедура најпрво предвидува шефот на државата да има консултации со сите парламентарни партии, а бидејќи сега има седум партии во новоизбраното 47. Народно собрание, тоа би траело најмалку 2 дена. Така, најраниот можен датум на кој претседателот Радев може да го предаде првиот мандат, на 8 декември.
Предлози за ротирачко претседателство со Парламентот во Бугарија
Радев очекува европска зрелост од Македонија
Потоа започнува 7-дневен период во кој победникот на парламентарните избори во Бугарија – „Продолжуваме со промената“ мора да предложи свој кандидат за премиер. Тоа значи дека на 15 декември може да се гласа за нова бугарска влада и новиот премиер на државата да учествува во Советот, но без да има време да се подготви за средби со европските колеги и да не биде детално запознаен со позициите на Бугарија, пишува бугарското издание на „24 часа“, наведувајќи дека е многу е малку веројатно изборот на новата бугарска влада да биде изненадувачки поврзан со претстојниот Европски совет на 16 и 17 декември.