Чешките власти од понеделник ќе им забранат на невакцинираните граѓани да присуствуваат на јавни настани и да имаат пристап до јавни услуги, изјави денеска чешкиот премиер, Андреј Бабиш.
„Тоа значи дека негативните тестови повеќе нема да се уважуваат како сертификат за влез на настани и во услужни објекти“, објасни Бабиш, а пренесува агенцијата „Ројтерс“.
Ограничувањата, кои утре ќе бидат одобрени од комплетниот кабинет, доаѓаат откако бројот на нови инфекции се искачи на 22.479.
- Рекорден број на заразени од ковид во Чешка
- Австрија нареди заклучување за оние кои не се вакцинирани против ковид-19
Многу европски земји, вклучително и чешките соседи Германија, Австрија и Словачка, регистрираат голем број на заразени и повторно воведуваат одредени мерки.
Словачка објави најголем број случаи во средата, при што Унгарија и Полска имаат најголем број заразени во последните шест месеци.