Француските власти го обвинија семејството на Александар Лукашенко дека стои зад „мудро организираната трговија со луѓе“ во Европската унија преку Турција и Дубаи. „Оваа трговија е организирана директно од самото семејство Лукашенко, со трети земји, преку организирање комерцијални летови и тури“, изјави францускиот државен секретар за европски прашања Клеман Бон. Според него, белорускиот режим „мудро организира“ шверц преку Турција и Дубаи, додека дел од мигрантите биле транспортирани од Ирак.
ЕУ воведува санкции кон Белорусија за проблемот со мигрантите
ЕУ се сомнева дека Лукашенко со авиони носи мигранти од Блискиот Исток и Африка во Минск, по што ги испраќа во Литванија, Летонија и Полска како одмазда за санкциите што ЕУ ги воведе кон Белорусија.