Косовската полиција употреби солзавец против демонстрантите кои денеска се упатиле кон полициската станица во Северна Митровица, револтирани од акцијата против криумчарење стока, јавува новинарката на Радио Слободна Европа од местото на настанот.
Во градот се слушаат сирени од противпожарни возила и амбулантни возила. Косовската полиција е пред аптеката. Граѓаните велат дека во средата наутро се огласиле сирени.
Во Северна Митровица, насобраните луѓе речиси се разотидоа, додека полициската акција продолжува во Звечан. И во оваа општина полицијата реагираше со солзавец откако граѓаните во Звечан фрлија тврди предмети кон полицијата.
„Косовската полиција денеска заплени разни стоки и одредени материјални докази за кои постои сомневање дека се шверцувани. Акцијата, која се уште трае, се прошири на неколку локации во Косово, вклучувајќи го и регионот на Северна и Јужна Митровица, Приштина и Пеќ,“ се вели во полициското соопштение.
- Косовската полиција негира дека нејзини припадници претепале тројца Срби
- Тензии на граничните премини на северот на Косово
Како што беше објавено, сите полициски дејствија се спроведуваат во координација со надлежните обвинителства и судови, по чија наредба се проверуваат разни локации како станбени куќи, деловни простории, магацини итн.
Косовската полиција и единици од различни полициски профили беа ангажирани во тековната полициска акција. Косовската полиција подели неколку фотографии од запленетата стока, каде што се забележува дека станува збор за прехранбени производи.