Францускиот претседател Емануел Макрон следната недела ќе го врати својот амбасадор во Соединетите држави, откако претседателот Џо Бајден се согласил дека консултацијата со Франција пред да го објави безбедносниот пакт со Австралија можело да спречи дипломатски спор, соопшти кабинетот на Макрон. Во минатата недела, Франција ги отповика своите амбасадори од Соединетите држави и Австралија, откако САД и Британија потпишаа договор за нуклеарни подморници со Австралија, што предизвика Канбера да го откаже досегашниот договор за подморници со француски дизајн, вреден 40 милијарди долари.
Франција ги отповика своите амбасадори од САД и Австралија
Вчера Макрон и Бајден имаа телефонски разговор во кој двајцата лидери се согласија да започнат длабински консултации за обнова на довербата, се вели во соопштението на кабинетот на Макрон. Макрон и Бајден ќе се сретнат во Европа на крајот на октомври. САД, исто така, се обврзаа да ја зголемат нивната поддршка за антитерористички мисии предводени од европските нации во африканскиот регион Сахел, додаде кабинетот на Макрон.
САД, Британија и Австралија во нов пакт АУКУС - веднаш критики од Кина
Соединетите држави, Британија и Австралија на 15 септември објавија ново стратешко партнерство во индо-пацифичкиот регион, но тие земји не ја консултираа Франција, која загуби вреден договор за испорака на подморници во Австралија. Макрон очекува „појаснувања во врска со американскиот избор да се задржи еден европски сојузник на страната на структурната размена за соработка во Индо-Пацификот“, изјави француското претседателство.