Американскиот Стејт Департмент ги предупреди државјаните на САД да не патуваат во Србија, Албанија и уште седум други држави, поради лошата епидемиолошка состојба со коронавирусот.
Стејт департментот ги предупреди граѓаните да не патуваат и во Словенија, Литванија, Авганистан, Гренада, Белизе, Сент Китс и Невис и Маурициус. Се наведува дека тие држави се меѓу земјите од четврти степен во кои е регистрирана значителна распространетост на коронавирусот.
Според податоците на Министерството за здравство на Србија, од вчера уште 27 лица починале од Ковид-19. Бројот на новозаразени продолжува да расте, а во претходните 24 часа инфекција е потврдена кај 6.249 од 21.163 тестирани лица.