Талибанските милитанти користеле солзавец и испукале предупредувачки истрели во воздух за да се справат со десетици жени кои одржале протест во центарот на Кабул на 4 септември. Тие излегле на улиците за да бараат еднакви права. Ова се втори вакви демонстрации деновие.
За време на протестот најмалку една жена е повредена. На видео објавено на социјалните мрежи е прикажана жена на која и тече крв од главата.
Жени од Авганистан изминатите два дена одржаа протести во Кабул, кој сега е под контрола на талибанците. Жените се застапуваат за нивните права и бараат еднаквост, правда и демократија. Сличен собир се одржа претходно оваа недела во западниот град Херат.
На 4 септември, активистите одржаа протест во близина на претседателската палата во Авганистан и држеа транспаренти на кои пишуваше: „Ние не сме жени од 90 -тите години на минатиот век“.
Во Кабул под Талибанците
Милитантната група тврди дека ќе ги почитува правата на жените според нивното толкување на исламските учења.
Висок лидер на Талибанците, Шер Мохамад Абас Станекзаи, на 31 август за Би -Би -Си изјави дека жените нема да бидат назначени на високи функции во нивната влада, но рече дека тие ќе имаат улога.
Талибанците изјавија дека жените ќе можат да го продолжат своето образование и работа надвор од домот, права што ги немаа за време на претходното владеење на талибанците, но талибанците ветија дека ќе наметнат шеријат, односно исламски закон.