Американскиот претседател Џо Бајден им оддаде почит на американските војници убиени во Кабул, чии посмртни останки беа во воздухопловната база во сојузната држава Делавер. Бајден претходно се сретна со членовите на семејствата на 13 американски војници кои беа убиени во четвртокот во напад на екстремистичката Исламска држава на аеродромот во Кабул, од каде што САД евакуираат илјадници луѓе.
Столтенберг: Страшен терористички напад во Кабул, евакуацијата останува приоритет
„Тринаесетте припадници на војската што ги загубивме беа херои кои се жртвуваа безрезервно во служба на највисоките идеали на Америка, спасувајќи ги животите на другите. Нивната храброст и несебичност овозможија повеќе од 117.000 загрозени луѓе да бидат евакуирани на безбедно", рече Бајден.
САД се одмаздија за нападот во Кабул
Бајден, кој дојде во базата со сопругата Џил, е четвртиот врховен командант на американската армија што пречекува останки на американските војници од Авганистан. Загинатите биле на возраст од 20 до 31 година. Петмина убиени имале 20 години и се родени непосредно пред терористичките напади врз Њујорк и Вашингтон на 11 септември 2001 година, кои беа причина за американската инвазија врз Авганистан.