Израел го обиниви Иран за напад на нафтениот танкер кој се движел кон Оман, а во кој загинаа двајца членови на екипажот. Компанијата Зодијак Маритајм со седиште во Лондон, а која е во сопственост на израелскиот милијардер Ејал Офер соопшти дека танкерот под знаме на Либерија, кој бил во сопственост на Јапонија, бил нападнат на 29 јули.
Нема дополнителни детали за нападот во кој загинаа еден Романец и еден државјанин на Обединетото Кралство. Израелскиот министер за надворешни работи Јаир Лапид го обвини Иран наведувајќи дека му рекол на британското министерство за надворешни работи дека е потребен жесток одговор на министерството.
"Иран не е само израелски проблем, туку извозник на тероризам, деструкција и нестабилност која ни наштетува на сите нас. Светот мора да не остане тивок и да се соочи со иранскиот тероризам кој исто така ја повредува и слободата на превозот“, наведува Лапид во соопштението.
Засега нема реакција од Иран, кој, пак, го обвинува Израел дека стои зад убиството на врвен нуклеарен научник минатата година и зад серија напади врз нуклеарни постројки.
Ал Алам ТВ, владина иранска телевизија, цитирајќи неименувани извори наведе дека нападот бил одговор на наводен израелски напад на аеродром во Сирија. Соединетите Американски Држави, кои се близок сојузник на Израел, изразија загриженост и наведоа дека ја набљудуваат ситуацијата. Американски владин претставник кој го цитираат агенциите Асошиејтед прес и Ројтерс рекол дека засега не е јасно кој стои зад нападот, но дека по се изгледа во него бил употребен дрон.