Во изминатото деноноќие се евидентирани 21 новозаразени со ковид-19, од направени 3358 тестирања. Од нив, 13 се од Скопје, пет од Тетово и по еден од Гостивар, Струмица и Дебар. Регистрирани сe двајца оздравени од Скопје и нема починати пациенти.
Најмногу активни случаи има Скопје вкупно 99, а потоа Тетово со 83, Гостивар 15 и Куманово, Охрид и Кичево по 13. Во 15 градови низ земјава нема ниту еден активен случај.
Вкупниот број на заразени од почетокот на епидемијата во земјава достигна 155 922 од 930 540 тестирања на ковид -19. Оздравени се 150 170, а починати 5487. Вкупно активни случаи има 265.