Италијанската фудбалска репрезентација се пласираше во финалето на Европското првенство откако ја победи Шпанија во Лондон по подобро изведување на пенали со 4: 2, додека по редовниот дел и продолженијата беше 1: 1 поведе со голот на Федерико Киеза во 60. минута, а дваесетина минути подоцна погодок за Шпанија постигна Алваро Мората. Вториот полуфинален натпревар на ЕУРО 2020 е вечер во 21 часот, а ќе играат репрезентациите на Данска и Англија. Данците се надеваат на финале, 29 години откако неочекувано станаа европски шампиони во 1992 година.
Ериксен стабилизиран, натпреварот меѓу Данска и Финска продолжи
Европската фудбалска унија (УЕФА) го покани данскиот фудбалер Кристијан Ериксен, кој се опоравува од срцев удар, да присуствува на финалниот натпревар на Европското првенство во Лондон. Данскиот играч за врска доживеа срцев удар на мечот против Финска на почетокот на Европското првенство. Тој беше реанимиран на терен, пред да биде пренесен во болница, каде му е имплантиран апарат кој ја регулира работата на срцето. Ериксен, кој беше пуштен од болница, стана голема морална поддршка за неговата репрезентација, која се пласираше во полуфиналето на Европското првенство, во кое ќе играат против Англија.